هي كيميا ؟؟
الكيميا ليه سلطان و قادر ع الوجود
الا فـ ترابك ينكسر
الحمض واكل سحنتك
و القلوي فتت كل معنى للحياة
و الغريبة في معجزاتك
الوَسَط رافض يفور
*
*
*
بيقولوا لو ذرتين متهدرجين
شبكوا دراع الاكسجين
يطرح ندى
لكن بفعل الاحتياج
باعوا الدراع
و الندى
أصبح بينفخ في اشتعال الأفئدة
*
*
*
كان زمان
كل معامل خبرتك
تنتج لنا
غاز بيرقص للسما
دلوقتي ليه زادت قيودك ع الهوا
سهم التفاعل انعوج
صار اللي كان يرقص على حلمك باليه
حبة رواسب في التراب
7 أقلامكم:
كان زمان
كل معامل خبرتك
تنتج لنا
غاز بيرقص للسما
دلوقتي ليه زادت قيودك ع الهوا
سهم التفاعل انعوج
صار اللي كان يرقص على حلمك باليه
حبة رواسب في التراب
الله
حلو اوي الكلام ووزنه وهدفه بجد جباااااااااار
حكم متظبطه اخر حاجه
جديده .. جميله .. عميقه :)
وعاجبني اوي اخر جزء فيها ..
تسلم ايديك :)
السلام عليكم
بدايةً أشكرك أن أتحت لي فرصة التعرف على مدونتك الرائعة ، وبعد تصفح جميع إدراجاتها يسعدني ويشرفني أن أكون في ضيافتها.
عن التدوينة
للأسف أخي وزميلي .. هي فعلاً كيميا ، وسلطان الكيميا لا يُستثنى في ترابها ، بل أنت من شدة اشتياقك لحدوث التفاعل تتناسى غياب طرفٍ أو عاملٍ مساعدٍ في التفاعل.
عندما تتهيأ للتفاعل ظروفه المثالية سيحدثُ بلا شك (ثقتي في الكيمياء تفوق ثقتي في الأحياء بدرجات)
أسلوبك رائعٌ وراقٍ ، وكلماتك لها رشاقة وليونة ، وأوزانك وإحساسك بالموسيقى متميز.
مرة ثانية أشكرك ، وتواصلٌ دائمٌ بإذن الله
بتقول جديد يا دكتور
للاحسن دايما
متااااااااااااااابع
كيارا
هاجر
د هيثم
حلم بيعافر
شرفت بتواجدكم القيم
و القراءة الواعية التي اسعدتني
تمنياتي
بدوام التواصل
برافوووووو ..
عشرة علي عشرة ، ممتاز يا دكتور وربنا يوفقك للامام دايماً ونشوف جابر بن حيان في الشعر بيولد من الكميا شعر مضبوط الجزيئيات ومتحد العناصر ...
مدونة اكثر من رائعة ... وشاعر اكثر من متاز
إرسال تعليق